بھوکے وحشی درندے
بھوکے وحشی درندے
خون ناحق سہی، بہا لے گا
بھولنا ہے خدا؟ بھلا لے گا
کھال دیوار پہ سجا لے گا
آدمی آدمی کو کھا لے گا
یوں دھماکے کرے گا اب وحشی
پھاڑ کر تن مرے گا اب وحشی
اور محافظ، زباں چلا لے گا
آدمی آدمی کو کھا لے گا
ایسے طالب جنیں گے اب مکتب
خود نشانہ بنیں گے اب مکتب
اور اُستاد دھن کما لے گا
آدمی آدمی کو کھا لے گا
کتنی مغموم بچیاں ہوں گی
ریپ معصوم بچیاں ہوں گی
بھوک، وحشت، سبھی مٹا لے گا
آدمی آدمی کو کھا لے گا
کاروکاری ہے نام غیرت کا
لکھنا پڑھنا بُرا ہے عورت کا
ایک فتوی ہی ہے، لکھا لے گا
آدمی آدمی کو کھا لے گا
بھیس مسلم ملے گا اب کافر
ہو گی پہچان کیسے، جب کافر
گیت اسلام کے بھی گا لے گا
آدمی آدمی کو کھا لے گا
چوہے بلی کا کھیل جاری ہے
کون ہلکا ہے، کون بھاری ہے
زور بازو یہ خود دکھا لے گا
آدمی آدمی کو کھا لے گا
تجھ سے آگے نشیب اظہر جی
چار سو ہے فریب اظہر جی
کوئی دھوکہ تجھے بھی آ لے گا
آدمی آدمی کو کھا لے گا
Bhookay wehshi darinday
Admi ,admi ko kha lay ga
Bhoolna hai Khuda?Bhula lay ga
Khal devar pay saja lay ga
Admi, admi ko kha lay ga
Yun dhamakay karay ga ab wehshi
Phar ker tun maray ga ab wehshi
Aur muhafiz zuban chala lay ga
Admi, admi ko kha lay ga
Aisay Talib janain gay ab maktab
Khud nishana banain gay ab maktab
Aur ustad dhen kama lay ga
Admi, admi ko kha lay ga
Kitni maghmoom bachian hon gi
Raip masoom bachian hon gi
Bhook, wehshet, sabhi mita lay ga
Admi, admi ko kha lay ga
Karo kari hai nam ghairet ka
Likhna parhna bura hai auret ka
Aik fatwa hi hai, likha lay ga
Admiadmikokha lay ga
Bhais muslim milay ga ab kafir
Ho gi pehchan kaisay jub kafir
Geet islam ka bhi ga lay ga
Admi, admi ko kha lay ga
Chohay bili ka khail jari hai
Kaun halka hai ,kaun bhari hai
Zor-e-bazo yeh khud dikha lay ga
Admi, admi ko kha lay ga
Tujh say agay nasheb Azhar ji
Char su hai fareb Azhar ji
Koi dhoka tujhay bhi aa lay ga
Admi, admi ko kha lay ga
