"We are sorry!" - MitsuBishops

Nakakalungkot na nakakatawa mga headlines lately sa Pinas:

Buwaya nahuli!

Mga Obispo nag-sorry!

Parang narinig at napanood ko na dati sa TV ang salitang "sorry" at pagkatapos nun nadaya si FPJ sa eleksyon.

Nakakalungkot na imbes na mag-sorry agad ang unang sinisi ng Obispo ay si PNoy. Pagkatapos lang ng mga negative reaction at ilabas ang mismong sulat ng Obispo kay GMA ay dun lang naglabas ng sorry pastoral letter. http://cbcpnews.com/?q=node/16151

Pero kulang.

Ang turo sa atin para sa tunay na Reconciliation ay may (1)Contrition (2)Absolution at (3)Penance

Para sa 7 SUVishops kulang ang mga pahayag nila:

1. Contrition - May contrition ba? Sinisisi nila si PNoy na ginigipit ang mga malalapit dati kay GMA. Di nila naisip na pera ng publiko ang ginamit sa pambili ng mga sasakyan nila. Ang laging turo nila - "The end does not justify the means". Di baleng ipinantulong nila yung mga sasakyan na yun pero ang pera na ginamit pambili nun ay galing sa sugal na lagi nilang binabatikos. Nakalimutan nila na Obispo sila - "With great power comes great responsibility!" ayon nga kay Uncle Ben.

2. Absolution - absolved na nga ba ang impropriety ? Impropriety- ito ang term nila sa pangyayari at hindi kasalanan. Kung hindi nila aaminin na mali ang ginawa nila, paano magkakaroon ng absolution. Kailangan pa daw patunayan na mali sila - (From the pastoral letter: "If proven.... etc..etc..)

3. Penance - For your penance Bishops you should return all the vehicles or the money. Hingi kayo ng pera sa Caritas o mag-second collection para yung mga may ginintuang pusong mga mananampalataya ay makatulong na ibalik ang pera na dapat ay mapunta sa mga kailangan ng dialysis, operahan ang katarata, magkaroon ng wheelchair o magkaroon ng ambulansya ang ospital nila. 

Nakakalungkot na dahil lang sa pito nawawalan ng tiwala ang mga tao sa buong CBCP. Nawawalan ng tiwala ang mga tao sa mga pahayag ngayon ng CBCP.

Sa panahon ngayon sinusubukan ang pananampaltaya natin sa Simbahan at sa mga namumuno dito. Ipanalangin natin na pagtibayin ang ating mga sarili at patuloy na sumampalataya sa Diyos at sa Simbahang itinatag niya para umagapay sa atin dito sa lupa. Ipanalangin natin na ituro ang matuwid na landas hindi lang sa naliligaw na mga tupa kundi pati na rin sa mga nabubulag sa kapangyarihan na mga pastol ng kanyang mga tupa.

TD