Paalam....
Katulad ng binangit ko sa thread na "Aminin", ang misyon ko ay ilantad ang mga pagkatao ng mapagpangap, mapanlait at mapanilang troll/s sa ating hanay.
Upang maisakatuparan ko ang aking misyon, kinailangan kong gumamit ng isang paraan na syang tangi kong alam. At yun ay laruin sila sa kanilang laro. Ang pag-gamit din ng dobol nick.
Psychological War po ito kaya kailangan bulabugin ang isipan ng kalaban...
Upang mapabilis ko ang aking misyon, kinailangan kong pasikatin agad sa kahit anong paraan ang ikalawa kong Id... at yan ay ginawa ko sa pag-bubukas ng tread na "NK". At sa palagay ko ay naging tagumpay ako duon sapagkat nakuha ko ang atensyon ng taong gusto kong bitagin.
Ginamit ko ang personal kong "photo sharing site" upang maging pain... at itoy naging epektibo. Kinagat naman sya ng aking pakay. Hangang sa dumating ang araw na ito, na syang nakatakda ayon sa aking plano.
Batid kong marami sa inyo ang nasaling sa pag-oopen ko ng thread na "NK" subalit kailangan kong gawin yun.
Kailangan kong sagupain sa aking dibdib ang bigat na dulot ng aking ginagawa... maging ako man ay nasaktan sa pagpapatupad ng pamamaraang ito bunsod ng atas ng tungkulin, bilang isang makabayang Pilipino.
Kung ano mang sakit ang naging dulot nito sa inyong lahat... ipagpaumanhin po ninyo, gayunman ay hindi ko ito pinagsisihan.
Muli ay humihingi ako ng paumanhin sa lahat, at dalangin ko ang higit at matibay na pagkakabuklod buklod ng samahang "Filipino-Expatriates in Qatar".
*************************
At Para naman sa iyo Kapatid na Bading, at sa iba mo pang anyo;
Tama si Head Turner, hindi ka nga namin lubusan na nakilala.
Hindi na rin mahalaga na malaman kung sino ka, ang mahalaga ay maipabatid sa iyo na may mga taong
nasasaktan sa iyong ipinamamalas na pakikitungo sa kapwa mo.
Subalit, kung talagang kaligayahan mo na manlait ng kapwa sa tuwing gugustuhin mo... sa pamamaraan ng iyong mga double nick.
Pakatandaan mo lamang sana, na ang lahat ng ating ginagawa sa ating kapwa, asahan nating babalik at babalik ito... kung hindi man sa ngayon, ay sa nakatakdang panahon ng paniningil.
Panginoon na ang bahalang maghusga sa iyo. Hindi ko na nanaisin na makilala ka sa mga iba mong anyo... wala ng saysay iyan para sakin.
**************************
Magpapaalam na po ang Haring Ibon, dumatal na ang panahon na sya ay mamahinga sa kanyang pugad. Ako ay lubos na nagpapasalamat sa kanyang tulong na ipinagkaloob sa akin upang gampanan ko ang aking misyon.
Maraming maraming salamat sa iyo "Hariibon".... hangang sa muli nating pagkikita :)
***************************
Patnubayan Nawa tayong lahat ng ating Panginoon :)
