ONDOY ONDOYAN--
Alam nyo ba: Trivia muna...
Na ang rainfall ni Ondoy ay 16.7 inches in 12 hours kumpara sa 15.4 inches ng buong Setyembre? Ibig sabihin, ang binuhos na tubig ni Ondoy in a span of labindalawang oras ay higit pa sa ibinuhos ng lahat ng ulan noong nakaraang buwan! Ang lufet.
Tumigil na ang ulan, at ang sinumang dudungaw sa labas ay wow!! akala mo isa kang mayaman na anak ng Emir na para kang nasa isang exclusive resort dahil all of corners of your house is like you are floating by the seaside.
Wala nang kalsada. Lahat H-2-O na lang. Lubog ang mga kotse, bubong na lang halos ang nakikita. Sa daanan, may jeepney na na-stranded. At ang mga kawawang pasahero na parang forever ng nagaantay duon... ay nagaantay pa rin. Ang titiyaga! Kung Super Ferry lang sana ang bumibiyahe, eh di sana mabilis pa sa alas kwatro lumarga, nakakaphobia na nga lang sumakay... ilan na ang tumaob.
Unti-unti nang humupa ang baha. Siguro may mga taong talagang pag nakaranas ng trahedya ay uupo na lang sa isang tabi at magaantay ng bayani na magliligtas sa kanila. May mga tao naman na gumagawa ng paraan para mabuhay. Katulad na lang ng iilan na inilalako ang natitira sa kanilang mga kagamitan para siguro may makain lamang.
Nasaan na kaya ang mga pulitiko? Sa mga nagsasabing “Dama ko kayo. Hindi ko kayo pababayaan!”. Asan na yung may jingle na “andami nang natulungan, kelangan lang subukan?”. Wala.
Ilan sa mga realizations dahil sumapit ang baha:
1. Lahat ng bagay pwede mawala sa isang iglap. We don’t really own anything in this world, even our lives. Dahil ang Diyos ang nagmamay-ari ng lahat. Lahat ipinahiram lang ng Diyos sa atin. So kapag kinuha na Niya, hindi dapat magreklamo. At dahil ipinahiram lang niya ang lahat, dapat ingatan natin kung anu man ang mayroon tayo. Let us be good stewards of our possesions.
2. Sa krisis, lalabas ang tunay na pagkatao. Kapag ang ginto, nilagay sa apoy, lumalabas ang impurities. Ang tao, kapag sinusubok, lumalabas din ang tunay na kulay. At kadalasan, sinasagot nito ang tanong na “Anu ba talaga ang importante sa’yo sa mundo?”
3. Masarap sana maging bata kapag may krisis... kasi wala itong pinu-problema. Pero sign of immaturity ito. Ang tao, dapat harapin ang prublema, at hindi mag-pretend na kunwari ok ang lahat.
4. Walang maidudulot ang pangangamba o worrying kundi wrinkles.
5. Dapat tanggalin ang pagka-materyoso. Sino ka, si Gollum na nagsasabi lagi ng My PRECIOUSS!!?! Nawawala nga ang mga bagay isang iglap lang.
6. Siguro kaya minsan hinahayaan ng Diyos na mangyari ang mga bagyo sa buhay ay para maalala natin Siya. Tingnan mo sa facebook simula nung mga nakaraang araw.... Puro “please pray for ganito…”, “thank God I’m safe” ang mga tweets ng tao. Nakakahiya lang nga kay Lord, kung di pa magkaroon ng unos eh hindi pa lalapit sa Kanya ang tao.
