ایک غزل پیش ہے،ٰٰ آخرش درد بلا خیز نے پھر آن لیا ٰٰ ٰٰ

آخرش درد بلا خیز نے پھر آن لیا

جس سے بچتے تھے عدو تیز نے پھر آن لیا

سات پردوں میں تو محبوب چھپا رکھا تھا

پر رقیبان فتن بیز نے پھر آن لیا

اس کہانی کا بھی انجام کوئی بتلاو

ختم بیماری، تو پرہیز نے پھر آن لیا

خالی پیمانہ اگر رہتا تو اچھا ہوتا

رند کو پیالہء لبریز نے پھر آن لیا

خون پر خون ہوا، ظلمت شب کے اُس پار

دن میں تاریکیء خوں ریز نے پھر آن لیا

جان چھوٹی ہی تھی مشکل سے ضیاء صاحب سے

آن کی آن مِِیں پرویز نے پھر آن لیا

پھر سے موزوں ہے طبیعت تری اب کیا اظہر؟

فکر کی ندرت زرخیز نے پھر آن لیا

Akhirish dard-e-bala khaiz nay phir aan liya

Jis say bachtay thay, adu tez nay phir aan liya

Sat pardon main to mehboob chuppa rakha tha

Per raqeeban-e-fiten baiz nay phir aan liya

Is kahani ka bhi anjam koi batlao

Khatem beemari to parhaiz nay phir aan liya

Khali paimana agar rehta to acha hota

Rind ko piyala-e-labrez nay phir aan liya

Khoon per khoon hua , zulmat-e-shab kay us paar

Din main tariki-e-khoon rez nay phir aan liya

Jaan chooti hi thi, mushkil say Zia sahib say

Aan ki aan main Pervaiz nay phir aan liya

Phir say mauzoon hai tabiat teri ab kia Azhar

Fikr ki nudrat-e-zarkhez nay phir aan liya