لیکاں leekaan
لیکاں
پُت اسکول نوں گھلیا سی
سوہنے یونیفارم سجایا سی
اک دودھ دا پیالہ بھر رکھیا
فیر اونوں نیند جگایا سی
انج شُوواں کل میں ماراں گا
نویں کاپی پنسل آئی اے
کجھ مار لکیراں شوخ جیئاں
تصویراں نال سجائی اے
پا کپڑے، گھٹ دودھ بھر کے
نس جا بیٹھا او بس وچ اے
میں شور مچاندا رہ ہی گیا
روٹی دا ٹکڑا مرے ہتھ وچ اے
گھنٹی فیر وجی اج دفتر وچ
میں فون نوں بس اٹھاندا واں
اک دھماکا ہویا سکولے وچ
اے خبراں سن پگلاندا واں
گڈی زوراں نال نسائی اے
عمارت چیتھڑیاں وانگو پائی اے
جیہڑی اٹ دا ملبہ چکنا واں
بوٹی ہتھاں دے وچ آئی اے
پت تا نہیں بس کاپی مینوں لبی اے
بولیا نئیں پر کناں دے وچ چیکاں نے
اودی کاپی اتے پنسل نئیں
اج خون دی لمیاں لیکاں نے
توں وی مر ونجیاں ایں کافرا
اے کی عزاب توں کمایا سی
پت میرے تیرا کی لیتا
میں سکولے اونوں پایا سی
Leekaan
Put school nun ghalya see
Sohnay uniform sajjaya see
Ik doodh da pyaala bhar rakhya
Fair onu neend jagaya see
Anj showaan kal main maraan ga
Naween copy pensil aai aiy
Kujh maar lakeeraan shokh jaiaan
Tasweeraan naal sajai aiy
Pa kapray, ghut doodh bhar kay
Nus ja baitha o bus wich aiy
Main shor machanda reh hi gaya
Roti da tukra keray huth wich aiy
Ghanti fair wajji aj daftar wich
Main phone nun bus uthanda waan
Ik dhmakka hoya schoolay wich
Aiy khabraan sun paglaanda waan
Gaddi zoraan naal nassai aiy
Imarat cheethariaan wangu pai aiy
Jehri it dam alba chuknaa waan
Boti hathaan day wich aai aiy
Put ta nai bus copy minu labbi aiy
Bolaya nai per kannan day wich cheekaan nay
Oddi copy utay pencil nai
Aj khoon di lamiaan leekaan nay
Tunh wi mar wanjia ain kafira
Aiy ki azzab tunh kamaya see
Put meray tera ki litta
Main scoolay onu paya see
