Malala na ang sakit ng Pilipino
"40 PINUGUTAN"
Posibleng umabot sa sa 40 bangkay na karamihan ay mga pugot ang ulo na kinabi bilangan ng isang vice ma yor at mga kamag-anak nito kasama ang mga miyembro ng media na kabilang sa mahigit 50-katao na nauna nang dinukot, ang narekober ng militar sa Bgy. Saniag, Ampatuan, Maguindanao kahapon ng hapon.
Kinumpirma sa Abante ni Army Colonel Jonathan Ponce, spokesman ng 601st Infantry Division ng Armed Forces of the Philip pines (AFP), pinaghahanap pa rin ng militar at pulisya ang halos isang dosena pa na kasa mang tina ngay ng mahigit sa 100 armadong kalalakihan na pinamumunuan umano ng isang kamag-anak ng Ampatuan clan kasama ang ilang pulis at militiamen.
“Troops have recovered the bodies of at least 18 people and later today more bodies were found -- many of them beheaded, including probably journalists. Troops are in the area and tracking down those responsible in these killings,” ani Ponce.
Samantala, ayon naman kay Lt. Col. Romeo Brawner Jr., public affairs chief ng AFP, 21 na ang kumpirmadong patay at narerekober kabilang ang 13 bangkay ng babae at walong ang kalalakihan.
Aniya, dakong alas-10:00 ng umaga nang harangin ng mga suspek ang tatlong-sasakyang convoy ng mga biktima sa pangu nguna ni Vice Mayor Bai Eden Mangudadatu ng bayan ng Mangudadatu at dinala sila malapit sa kampo ng “Tornado Command” ng Moro National Liberation Front (MNLF) sa Barangay Salman, Ampatuan.
Ang kahindik-hindik na insidente ay naganap habang si Autonomous Region in Muslim Mindanao (ARMM) Gover nor Zaldy Ampa tuan ay napabalitang nasa Malacañang at nakikipagpulong kay Presidential Adviser on Political Affairs Secretary Gab riel Claudio.
Sakay ang mga biktima ng Red Hi-Lux pickup, Hi-Ace van at puting Land Rover at patungo sa Sheriff Aguak para maghain ng Certificate of Candidacy (COC) ni Buluan, Maguindanao Vice Ma yor Esmael ‘Toto’ Mangudadatu nang maganap ang pagdukot.
Tinukoy pa rin sa military report na ang lider ng mga suspek na dumukot at pumatay sa mga biktima ay ang mayor diumano ng Datu Unsay na si Andal Ampatuan Jr. at Senior Inspector Dicay, ang officer-in-charge ng Maguindanao Provincial Police Office.
Maliban sa vice ma yor, ilan sa pinangalanang biktima ay sina Genalyn Ma ngudadatu, asawa ni Esmael; lawyers Connie Brizuela at Cynthia Oquendo; Rasol Daud; Bai Faridah Mangudadatu, bunsong kapatid ng mga Mangu dadatu; at Faridah Sabudlah.
Ilan naman sa mga nasawing mediamen ay sina Henry Araneta ng dzRH-Cotabato; Bong Redoblando ng Manila Bulletin, at Joy Duhay ng isang lokal na pahayagan sa Sultan Kudarat.
“The recovered victims were found at around 4:30 p.m. scattered in an isolated place in Salman village where they were brought and executed,” ani Brawner.
Sa panayam sa telepono, agad namang iti nuro ni Madasser Mangudadatu, kapatid ng biktimang vice mayor, na ang mga salarin ay ang nakatatandang Ampatuan at ang anak nito.
Aniya, ang mga kaba baihan ng kanilang angkan ang pinapunta para maghain ng COC ng kanyang kapatid para sa pagkagobernador ng ARMM sa pag-aakalang sila’y hindi gagalawin.
“I sent them going through the provincial capitol of Sheriff Aguak at around 9 o’clock in the morning. After an hour, tumawag ako to check them if dumating sila dun sa destination nila but unfortunately all of their cellphones were closed.
Itong wife ng brother ko, tumawag sa kanya at sabi n’ya ‘Pang, hinuli na kami ng mga armadong lalaki, hinuli kami ng mga armadong lalaki at pinagsasampal kami at ipinakain sa akin ang COC, sinasaktan na kami’. That was the last word and the parting words of the wife,” ani Madasser.
Nakatanggap din siya ng impormasyon na pinugutan ang ilan sa mga biktima habang pinasagasaan sa malalaking sasakyan ang ilan habang naghihingalo matapos i-firing squad ang mga ito.
